చర్లపల్లి జైలులో ఖైదీల ఘర్షణ: ఒకరి మృతి

హైదరాబాద్: హైదరాబాద్ సమీపంలోని చర్లపల్లి జైలులో ఖైదీల మధ్య జరిగిన ఘర్షణలో ఒక ఖైదీ మరణించగా మరో ఐదుగురు తీవ్రంగా గాయపడ్డారు. మంగళవారం ఉదయం ఆరుగురు ఖైదీలు ఘర్షణ పడ్డారు. ఈ ఘర్షణల్లో లక్ష్మయ్య అనే ఖైదీ మృతి చెందాడు. మిగతావారు సికింద్రాబాదులోని గాంధీ అస్పత్రిలో చికిత్స పొందుతున్నారు.

అయితే జైలులో ఘర్షణ జరిగిందనే వార్తలను జైలు సూపరింటిండెంట్ ఖండిస్తున్నారు. అటువంటి ఘర్షణేదీ జరగలేదని ఆయన చెప్పారు. ఆగస్టు 2 నుంచి శిక్ష అనుభవిస్తున్న లక్ష్మయ్య అనే ఖైదీ గుండెనొప్పితో బాధపడుతుంటే జైలులోనే వైద్యం అందిస్తున్నామని, పరిస్థితి విషమించడంతో ఆస్పత్రికి తరలిస్తుండగా లక్ష్మయ్య మరణించాడని ఆయన వివరిస్తున్నారు. చర్లపల్లి జైలులో గతంలో కూడా ఖైదీల మధ్య ఘర్షణ జరిగింది