వరి ధరపై దేశవ్యాప్త ఉద్యమం: చంద్రబాబు

హైదరాబాద్: వరికి మద్దతు ధర కోసం జాతీయ స్థాయిలో ఉద్యమం చేపట్టనున్నట్లు తెలుగుదేశం పార్టీ అధ్యక్షుడు నారా చంద్రబాబునాయుడు చెప్పారు. ఈ నెల 24వ తేదీ విజయవాడలో జరిగే రైతు గర్జన సదస్సుతో దానికి శ్రీకారం చుడుతామని ఆయన శుక్రవారం మీడియా ప్రతినిధుల సమావేశంలో చెప్పారు. ఈ సదస్సుకు తృతీయ ప్రత్యామ్నాయ కూటమి నాయకులు హాజరవుతారని ఆయన చెప్పారు.

ఆ తర్వాత దేశంలోని ఇతర ఫ్రాంతాల్లో సదస్సులు నిర్వహించి కేంద్రంపై ఒత్తిడి తెస్తామని ఆయన చెప్పారు. వరికి వేయి రూపాయల మద్దతు ధర, ఇతర పంటలకు గిట్టుబాటు ధర ప్రకటించాలని, స్వామినాథన్ కమిటీ సిఫార్సులను అమలు చేయాలని ఆయన డిమాండ్ చేశారు.