దాసరిని లాగడం సరి కాదు: తమ్మారెడ్డి

హైదరాబాద్: ఆపద మొక్కులవాడు సినిమా వివాదంలోకి ప్రముఖ దర్శక నిర్మాత, కేంద్ర మంత్రి దాసరి నారాయణరావును లాగడం సరి కాదని తెలుగు చలన చిత్ర మండలి అభిప్రాయపడ్డారు. ఏమైనా సమస్యలుంటే దర్శకుడు పోసాని కృష్ణమురళి తమ దృష్టికి తేవాలని మండలి అధ్యక్షుడు తమ్మారెడ్డి భరద్వాజ మీడియా ప్రతినిధుల సమావేశంలో అన్నారు. ఆపదమొక్కుల వాడు సినిమా వివాదానికి స్వస్తి చెప్పాలని ఆయన సూచించారు.

అల్లరి చేయడం వల్ల వ్యక్తిగతంగా దాసరి నారాయణరావుకు నష్టం కలుగుతుందో లేదో తెలియదు గానీ సినీ పరిశ్రమకు నష్టం కలుగుతుందని ఆయన అన్నారు. దాసరి నారాయణరావుతో వివాదం ఉంటే తమకు చెప్పుకుంటే పరిష్కరించి ఉండేవాళ్లమని ఆయన అన్నారు.