పవన్ రెండో పెళ్లికి ఆధారాలు లేవు: కోర్టు

విశాఖపట్నం: సినీ నటుడు పవన్ కళ్యాణ్ రెండో పెళ్లి చేసుకున్నట్లు ఆధారాలు లేవని బహు భార్యాత్వం కేసులో విశాఖపట్నం ఫస్ట్ మెట్రోపాలిటన్ మెజిస్ట్రేట్ కోర్టు అభిప్రాయడింది. పవన్ కళ్యాణ్ రెండో పెళ్లి చేసుకున్నట్లు ఆధారాలు లేవని పోలీసులు సమర్పించిన నివేదికలో స్పష్టం చేశారు. కోర్టు కూడా పవన్ రెండో పెళ్లి చేసుకున్నట్లు ఆధారాలు లేవని తాను విశ్వసిస్తున్నట్లు కోర్టు శుక్రవారం స్పష్టం చేసింది.

ఏవైనా అభ్యంతరాలుంటే అపీల్ చేసుకోవచ్చునని కోర్టు పవన్ కళ్యాణ్ భార్య నందిని తరఫు న్యాయవాదికి సూచించింది. తనకు విడాకులు ఇవ్వకుండా రేణూ దేశాయ్ ని పెళ్లి చేసుకున్నారని ఆరోపిస్తూ పవన్ కళ్యాణ్ భార్య నందిని ఆయనపై కేసు వేసిన విషయం తెలిసిందే. దీనిపై దర్యాప్తు జరిపి నివేదిక సమర్పించాలని కోర్టు పోలీసులను ఆదేశించింది. ఆ మేరకు పోలీసులు కోర్టుకు నివేదిక సమర్పించారు.