పగలు 9 గంటలు కరెంట్: బాబు

హైదరాబాద్: తాము అధికారంలోకి వచ్చిన వెంటనే రైతులకు రోజుకు 9 గంటలు విద్యుత్ ఇస్తామని, అది కూడా పగటి పూటనే ఇస్తామని తెలుగుదేశం పార్టీ అధ్యక్షుడు నారా చంద్రబాబునాయుడు హామీ ఇచ్చారు. టిఎన్ టియుసి ఆధ్వర్యంలోని విద్యుత్ ఉద్యోగుల సమావేశంలో ఆయన గురువారం ఆ హామీ ఇచ్చారు. కాంగ్రెస్ రోజుకు 12 గంటలు వ్యవసాయానికి విద్యుత్ ఇస్తామని హామీ ఇచ్చిన కాంగ్రెస్ తన హామీని నిలబెట్టుకోవడం లేదని ఆయన విమర్శించారు.

కాంగ్రెస్ ప్రభుత్వం రోజుకు కేవలం 7 గంటలు మాత్రమే రాత్రి పూట కరెంట్ ఇస్తోందని ఆయన చెప్పారు. గృహావసరాలకు వాడే విద్యుత్తుకు కూడా తాము అధికారంలోకి రాగానే చార్జీలు తగ్గిస్తామని, పేదలు వాడే కరెంటుకు చార్జీలు తగ్గిస్తామని ఆయన చెప్పారు.