వైఎస్ ఎన్నికల శంఖారావం

హైదరాబాద్: రాష్ట్రంలో ఎన్నికలు ఎప్పుడొచ్చినా ఎదుర్కొనేందుకు సిద్ధంగా ఉండాలని ముఖ్యమంత్రి వైఎస్ రాజశేఖర్ రెడ్డి కాంగ్రెస్ పార్టీ మంత్రులు, కార్యకర్తలకు పిలుపునిచ్చారు. అసెంబ్లీ ప్రాంగణంలోని ఏర్పాటు చేసిన విలేకరుల సమావేశంలో ఆయన ఈ మేరకు కోరారు.

ఈ సారి ఎన్నికలు కొంత ముందేగానే వచ్చే అవకాశాలున్నందున ప్రభుత్వం చేపడుతున్న అభివృద్ధి కార్యక్రమాలను ప్రజల్లోకి తీసుకువెళ్లాలని వైఎస్ సూచించారు.

ప్రస్తుతం జరుగుతున్న అసెంబ్లీ సమావేశాలు ముగిసే వరకు నిర్వహించే వివిధ కార్యక్రమాల్లో ప్రజా ప్రతినిధులు విధిగా పాల్గొనాలని వైఎస్ తెలిపారు. ఒకరికొకరు సహాయ సహకారాలు అందించుకుంటూ పార్టీ బలోపేతానికి సమష్టిగా కృషి చేయాలి వైఎస్ కాంగ్రెస్ పార్టీ వర్గాలను కోరారు.