బాబు పియం అయితే..: రోశయ్య

హైదరాబాద్: జాతీయ రాజకీయాల్లో చురుకుగా పాల్గొంటున్న తెలుగుదేశం పార్టీ అధ్యక్షుడు ప్రధాన మంత్రి అయితే సంతోషమేనని రాష్ట్ర శాసనసభా వ్యవహారాల మంత్రి కె. రోశయ్య అన్నారు. తెలుగుదేశం శాసనసభ్యులను శాసనసభ నుంచి సస్పెండ్ చేయాల్సిన పరిస్థితి రావడంపై ఆయన మంగళవారం మీడియా ప్రతినిధుల సమావేశంలో వివరణ ఇచ్చారు. శాసనసభ నుంచి ఏ ఒక్క సభ్యుడ్ని పంపాల్సి వచ్చినా ఎంతో బాధ కలుగుతుందని, అయితే శాసనసభా కార్యక్రమాలకు అడ్డు తగులుతుంటే సస్పెండ్ చేయక తప్పదని ఆయన అన్నారు.

ఎల్లంపల్లి ప్రాజెక్టుపై లోకాయుక్త నివేదికను వెల్లడించడానికి సాంకేతికపరమైన అడ్డుంకులు మాత్రమే ఉన్నాయని, ఇతర అడ్డంకులేమీ లేవని ఆయన అన్నారు. సోమశేఖర కమీషన్ నివేదికను వెల్లడించడానికి తెలుగుదేశం పార్టీ నాయకులు సహకరిస్తే లోకాయుక్త నివేదిక వెల్లడి కావడానికి తాను సహకరిస్తానని ఆయన చెప్పారు.