స్పీకరును వైయస్ శాసిస్తున్నారు: బాబు

హైదరాబాద్: ముఖ్యమంత్రి డాక్టర్ వైయస్ రాజశేఖర రెడ్డి స్పీకర్ ను కూడా శాసిస్తున్నారని ప్రతిపక్ష నాయకుడు నారా చంద్రబాబునాయుడు వ్యాఖ్యానించారు. ముఖ్యమంత్రి శాసనసభలో వ్యవరిస్తున్న తీరు దారుణంగా ఉందని ఆయన సోమవారం మీడియా ప్రతినిధుల సమావేశంలో అన్నారు. ప్రతిపక్షాలను మాట్లాడనీయకుండా చేస్తున్నారని ఆయన అన్నారు.

ఈ రోజు జరిగిన వ్యవహారం సిగ్గు పడాల్సిన పరిస్థితిని తెచ్చిపెట్టిందని ఆయన అన్నారు. ప్రభుత్వం ప్రజాస్వామ్య స్ఫూర్తికి విరుద్ధంగా వ్యవహరిస్తోందని ఆయన అన్నారు. ఇటువంటి ప్రజాస్వామ్య వ్యతిరేక విధానం ఏ చట్టసభలోనూ లేదని, ఒక్క ఆంధ్రప్రదేశ్ శాసనసభలోనే సాగుతోందని ఆయన అన్నారు. సంక్షేమ కార్పోరేషన్ల ద్వారా ప్రభుత్వం ఎన్ని రుణాలు ఇచ్చిందో తెలియజేయాలని ఆయన డిమాండ్ చేశారు.