వ్యాఖ్యలకు గవాస్కర్ పై ఐసిసి వేటు

దుబాయ్: అంతర్జాతీయ క్రికెట్ మండలి (ఐసిసి) క్రికెట్ కమిటీ చైర్మన్ పదవి నుంచి భారతదేశానికి చెందిన సునీల్ గవాస్కర్ ను తప్పించే అవకాశాలున్నాయి. చైర్మన్ పదవిలో ఉంటూ కాలమిస్టుగా, వ్యాఖ్యాతగా పని చేయడం వల్లనే గవాస్కర్ ను తప్పించాలని ఐసిసి ఆలోచిస్తున్నట్లు ది టైమ్స్ ఆన్ లైన్ పత్రిక రాసింది. గతవారం జరిగిన ఐసిసి సమావేశంలో సభ్యులందరూ అందుకు సుముఖత వ్యక్తం చేసినట్లు సమాచారం.

తాను రాసిన ఒక కాలమ్ లో ఇంగ్లాండు, ఆస్ట్రేలియాలను గవాస్కర్ డైనోసార్స్ గా అభివర్ణిస్తూ మీడియాలో ఈర్ష్యాపూరితమైన అభిప్రాయాలు చేస్తున్నాయని, కళ్లు తెరిచి వాస్తవాలను చూడడానికి నిరాకరిస్తున్నాయని రాశారు. ఈ వివాదాస్పదమైన వ్యాఖ్యల వల్లనే గవాస్కర్ ను ఐసిసి క్రికెట్ కమిటీ చైర్మన్ పదవినుంచి తొలగించాలని నిర్ణయం తీసుకున్నట్లు తెలుస్తోంది. దక్షిణాఫ్రికాకు చెందిన మ్యాచ్ రెఫరీ ప్రొక్టర్ తెల్లవాడు అయినందుననే భారత ఆటగాళ్ల పట్ల వివక్ష ప్రదర్శించారని గవాస్కర్ తన కాలమ్ లో రాశారు