పురంధరేశ్వరిపై టిడిపి ఎదురుదాడి

హైదరాబాద్/ రాజమండ్రి: తమ పార్టీ రాజ్యసభ సభ్యుడు హరికృష్ణకు ఏ పదవులు ఇవ్వాలో తమ పార్టీ అధినేత నారా చంద్రబాబునాయుడుకు తెలుసునని, కాంగ్రెసులో ఉన్న ఎన్టీ రామారావు కూతురు పురంధేశ్వరి మాట్లాడాల్సిన అవసరం లేదని తెలుగుదేశం పార్లమెంటరీ పార్టీ నాయకుడు కె. ఎర్రంనాయుడు అన్నారు. హరికృష్ణను ఎమ్మెల్సీ చేయాల్సి ఉండిందని ఆమె అనడంపై ఆయన సోమవారం మీడియా ప్రతినిధులతో ఆ విధంగా అన్నారు. ఎన్టీరామారావు రెండో భార్య లక్ష్మీపార్వతి వ్యాఖ్యలను పట్టించుకోవాల్సిన అవసరం లేదని ఆయన అన్నారు.

కేంద్ర, రాష్ట్ర ప్రభుత్వాలు దళితులను నిర్లక్ష్యం చేస్తున్నాయని ఆయన విమర్శించారు. ప్రభుత్వ ప్రకటనలన్నీ ముఖ్యమంత్రి రంగుల్లో మొదటి పేజీలో ఇస్తూ అంబేద్కర్ జయంతి వాణిజ్య ప్రకటనను మాత్రం బ్లాక్ అండ్ వైట్ లో లోపలి పేజీల్లో ఇచ్చారని, దీన్ని బట్టే ముఖ్యమంత్రికి దళితులపై ప్రేమ లేదని అర్థమవుతోందని ఆయన అన్నారు. పదవుల కోసం ఎన్టీ రామారావు కుటుంబాన్ని, తెలుగుదేశం పార్టీని కించపరచవద్దని తెలుగుదేశఁ నాయకుడు బుచ్చయ్య చౌదరి రాజమండ్రిలో అన్నారు.