పాతబస్తీలో కెసిఆర్ కూలీ పనులు

హైదరాబాద్: పార్టీ నిధుల కోసం తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖరరావు వరసగా మూడో రోజు గురువారంనాడు కూడా కూలీ పని చేశారు. ముస్తఫా డెయిరీలో, అన్వరులూం కళాశాలలో ఆయన కూలీ పని చేశారు. పాత బస్తీలో చేసిన ఈ కూలీ పనులకు ఆయనకు లక్ష రూపాయలేసి ముట్టాయి. ముస్తఫా డెయిరీలో ఆయన బర్రెలకు మేత వేశారు. ఈ నెల 27వ తేదీన పార్టీ ఆవిర్భావ దినోత్సవం సందర్భంగా హైదరాబాదులో జరిగే విశ్వరూప సభకు తెరాస నాయకులు కూలీ పనులు చేసి నిధులు సేకరిస్తున్నారు.

కెసిఆర్ బుధవారంనాడు హైదరాబాద్ నగర శివార్లలోని కాప్రా, మల్కాజిగిరి ప్రాంతాల్లో తాపీ మేస్త్రీగా, హస్పిటల్ వర్కరుగా పని చేసి 10.50 లక్షల రూపాయలు సంపాదించారు. మంగళవారం తొలి రోజు చేసిన కూలీకి ఆయనకు పది లక్షల రూపాయలు వచ్చాయి. వరంగల్ లో తెరాస నాయకుడు విజయరామారావు కూలీ పని చేశారు. నల్లగొండ జిల్లాలో కెసిఆర్ తనయుడు రామారావు కూలీ పని చేశాడు.