బాబుకు అస్వస్థత: బాలకృష్ణ పరామర్శ

హైదరాబాద్: అనారోగ్యం కారణంగా తెలుగుదేశం పార్టీ అధ్యక్షుడు నారా చంద్రబాబునాయుడు మీ కోసం యాత్ర శుక్రవారం తాత్కాలికంగా వాయిదా పడింది. మెదక్ జిల్లా కొండపాక మండలంలోని ఒక గ్రామంలో ఆయన విశ్రాంతి తీసుకుంటున్నారు. చంద్రబాబును సినీ నటుడు, వియ్యంకుడు నందమూరి బాలకృష్ణ, బావమరిది, రాజ్యసభ సభ్యుడు హరికృష్ణ, సినీ నటుడు జూనియర్ ఎన్టీఆర్ ఫోనులో పరామర్శించారు.

తీవ్రమైన ఎండలో చంద్రబాబు కొంత కాలంగా ఆయన మీ కోసం యాత్ర నిర్వహిస్తున్నారు. గురువారంనాడు ఆయన మెదక్ జిల్లాలోని శాసనసభా నియోజకవర్గాల్లో ఎన్నికల ప్రచారం చేశారు. దాదాపుగా ఆయన తెలంగాణలో ఉప ఎన్నికలు జరుగుతున్న జిల్లాల్లో పర్యటించారు. ఎండలు మండిపోతుండడంతో పర్యటన కష్టంగా మారింది. శుక్రవారం సాయంత్రం చంద్రబాబు యాత్ర తిరిగి ప్రారంభమయ్యే అవకాశం ఉంది.