యూరో కప్ స్పెయిన్ కైవసం

వియన్నా: యూరోపియన్ ఛాంపియన్‌షిప్ ఫైనల్లో జర్మనీని స్పెయిన్‌ 0-1 గోల్స్ తేడాతో ఓడించింది. దీంతో యూరో- 2008 కప్ స్పెయిన్ సొంతం అయింది. ఆదివారం రాత్రి జరిగిన ఫైనల్ మ్యాచ్‌లో ఫెర్నాండో టరెస్ ఆట 33వ నిమిషంలో చేసిన ఒకేఒక్క నిర్ణయాత్మక గోల్ జర్మనీకి కప్‌ను దూరం చేసింది. ఇంతకుముందు మూడుసార్లు యూరో కప్ గెలుచుకున్న జర్మనీ ఫెర్నాండో గోల్ చేసిన అనంతరం స్కోరును సమం చేసేందుకు చేసిన యత్నాలన్నీ విఫలం అయ్యాయి. స్పెయిన్‌కు మరికొన్ని గోల్స్ చేసే అవకాశాలు వచ్చనప్పటికీ వాటిని స్పెయిన్ ఆటగాళ్లు సద్వినియోగ పరచలేకపోయారు.

దీంతో 44 సంవత్సరాల తరువాత స్పెయిన్ మొదటిసారి ఓ ప్రతిష్టాత్మక కప్‌ను కైవసం చేసుకుంది. స్పెయిన్ 1964లో చివరిసారి యూరోపియన్ ఛాంపియన్ టైటిల్ గెలుచుకుంది. ఆ తరువాత 1984లో ఒకేఒక్క సారి ఫైనల్లోకి వచ్చింది. అయితే ఆ ఏడాది యూరో కప్ ఫ్రాన్స్ చేజిక్కించుకుంది. తాజా మ్యాచ్‌లో జర్మనీ ఆటగాళ్లు, ముఖ్యంగా కెప్టెన్ మైకెల్ బల్లాక్ గట్టి పోరాటపటిమ కనబర్చినప్పటికీ స్పెయిన్ డిఫెన్స్‌ను దాటి వెళ్లలేకపోయారు. స్పెయిన్ ఫుట్‌బాల్‌లో తనకు చాలా ఏళ్ల తరువాత వచ్చిన మరుపురాని రోజు ఇదని మ్యాచ్ విజయం అనంతరం ఫెర్నాండో వ్యాఖ్యానించాడు.