మోడి సూరత్ పర్యటన: మరో బాంబు

సూరత్: పెద్ద యెత్తున బాంబులు లభించిన సూరత్ నగరాన్ని ముఖ్యమత్రి నరేంద్ర మోడి బుధవారంనాడు సందర్శించారు. కాగా, సూరత్ లో మరో లైవ్ బాంబును పోలీసులు కనిపెట్టారు. ఇప్పటికే సూరత్ లో పోలీసులు 18 బాంబులను కనిపెట్టి నిర్వీర్యం చేసిన విషయం తెలిసిందే. వజ్రాల పాలిషింగ్ మార్కెట్ కు ప్రసిద్ధి గాంచిన వరాచా ప్రాంతంలోని ఒక దుకాణంలో బుధవారంనాడు కనిపెట్టారు. దుకాణుదారు బాంబు విషయాన్ని పోలీసులకు తెలియజేశారు. దీంతో సూరత్ ప్రజల్లో భయాందోళనలు చోటు చేసుకున్నాయి.

పాఠశాలలను, కాలేజీలను, షాపింగ్ మాల్స్ ను, పార్కులను, పబ్లిక్ స్థలాలను మూసేయాలని ఆదేశించారు. ముందుజాగ్రత్త చర్యగా ఈ ఆదేశాలు జారీ చేసినట్లు పోలీసు కమీషనర్ తెలిపారు. లైవ్ బాంబులు దొరికిన ప్రాంతాల్లో నరేంద్ర మోడి పర్యటించారు. ఆయన పరిస్థితిని సమీక్షించారు. పర్యటన అనంతరం సూరత్ ఉన్నతాధికారులతో ఆయన సమావేశమై పరిస్థితిని సమీక్షించారు.