భార్గవ్ ఆర్ట్స్ గోపాలరెడ్డి కన్నుమూత

చెన్నై: ప్రముఖ నిర్మాత,భార్గవ ఆర్ట్స్ అధినేత ఎస్.గోపాలరెడ్డి (64) శుక్రవారం రాత్రి 7.30 గంటలకు చెన్నై లో మృతి చెందారు. కొంత కాలంగా అనారోగ్యంతో బాధపడుతున్న ఆయన ఇటీవల అధిక రక్తపోటు చికిత్స నిమిత్తం చెన్నైనలోని అపోలో ఆసుపత్రిలో చేరారు. రెండు వారాల పాటు చికిత్స జరిపినా ఫలితం లేకుండా పోయింది. స్వగ్రామం నెల్లూరు జిల్లా నాయుడుపెటలో శనివారం గోపాలరెడ్డి అంత్యక్రియలు జరుగుతాయని కుటుంబసభ్యులు తెలిపారు. సినీ హీరో బాలకృష్ణతో పాటు పలువురు ప్రముఖులు ఈ అంత్యక్రియలకు హాజరు కానున్నారు.

కమల్ హాసన్ ,శ్రీదేవి నటించిన తమిళ చిత్రాన్ని చిలిపి మొగుడు పేరుతో తెలుగులోకి అనువదించటంతో ఆయన నిర్మాతగా కెరీర్ ప్రారంభించారు. తర్వాత రెండు అనువాద చిత్రాలు తీసి మనిషికో చరిత్ర సినిమాతో స్ట్రయిట్ చిత్రాల నిర్మాణం లోకి వచ్చారు. తర్వాత బాలయ్య హీరోగా మంగమ్మ గారి మనవడు తో ప్రారంభించి ఎన్నో హిట్ సినిమాలను తెలుగు పరిశ్రమకు అందించారు. అభిరుచి గల నిర్మాతగానే కాక,ఒక మంచి వ్యక్తిగా ఆయన మృతి తెలుగు సినీ పరిశ్రమకు తీరని లోటని అందరూ సంతాపం వ్యక్తం చేస్తున్నారు.