రాజస్థాన్ లో పేలుడు: 18 మంది మృతి

భరత్ పూర్: రాజస్థాన్ లో దీపావళి క్రాకర్స్ మందుగుండ్లు పేలి ఐదారు ఇళ్లు కూలిపోవడంతో 18 మంది మరణించారు. మరో 18 మంది గాయపడ్డారు. భరత్ పూర్ కు 30 కిలోమీటర్ల దూరంలో గల దీఘ్ లో బుధవారం అర్ధరాత్రి దాటిన తర్వాత ఈ ఘోరం సంభవించింది.

నివాస ప్రాంతాల్లో అక్రమంగా క్రాకర్స్ తయారు చేస్తుండగా ఈ ప్రమాదం సంభవించినట్లు పోలీసులు తెలిపారు. పేలుడులో 18 మంది మృతి చెందినట్లు భరత్ పూర్ పోలీసు సూపరింటిండెంట్ రోహిత్ మహాజన్ ధృవీకరించారు. క్షతగాత్రులను దీఘ్ లోని ఆస్పత్రికి చికిత్స నిమిత్తం పంపించినట్లు ఆయన తెలిపారు.