మూడో కూటమిలోకి చిరుకు పిలుపు

హైదరాబాద్: జాతీయ స్థాయిలో తాము ఏర్పాటు చేయతలపెట్టిన తృతీయ రాజకీయ కూటమికి మద్దతు ఇవ్వాలని సిపిఐ ప్రధాన కార్యదర్శి ఎబి బర్ధన్ ప్రజారాజ్యం పార్టీ అధినేత చిరంజీవిని కోరారు. ఆయన మంగళవారం సాయంత్రం చిరంజీవిని కలిశారు. తాజా రాజకీయ పరిణామాలపై ఆయన చిరంజీవితో మాట్లాడారు.

సిపిఐ రాష్ట్ర కార్యవర్గ సమావేశాల్లో పాల్గొనడానికి బర్ధన్ హైదరాబాద్ వచ్చారు. రాష్ట్రంలో పొత్తులపై ఈ సమావేశంలో చర్చించే అవకాశం ఉంది. ప్రజారాజ్యం పార్టీతో కలిసి రాష్ట్రంలో కూడా తెలుగుదేశం, కాంగ్రెస్ పార్టీలకు వ్యతిరేకంగా చిరంజీవి నేతృత్వంలో తృతీయ కూటమి ఏర్పాటు చేయాలని సిపిఐ చాలా కాలంగా ఆలోచిస్తోంది. ఈ దృష్ట్యా చిరంజీవితో బర్ధన్ భేటీ ప్రాధాన్యం సంతరించుకుంది.