• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

స్టాక్ మార్కెట్లు బంద్

By Staff
|

Stock Market
ముంబయి: ముంబయి దాడులు నేపథ్యంలో గురువారం స్టాక్‌మార్కెట్లు, ఆఫీసులు, విద్యాసంస్థలకు సెలవు ప్రకటించారు. ముంబయిలో బుధవారం రాత్రి సంభవించిన భారీ పేలుళ్లతో నగరం భయం గుప్పిట్లో ఉంది. ఇళ్లలోనుంచి ఎవరినీ బయటకు రావద్దని పోలీసులు హెచ్చరించారు. ఇంకా పేలుళ్లు జరిగే అవకాశం ఉందని భావించటంతో అందరినీ అప్రమత్తం చేశారు. ముంబయిలో పేలుళ్ల సంఘటన తర్వాత ఉద్రిక్తత, ఎదురుకాల్పులు కొనసాగుతున్నాయి. ఉగ్రవాదులు రైల్వేస్టేషన్లను లక్ష్యంగా చేసుకుంటుండటంతో తదుపరి జాగ్రత్తగా రైళ్ల రాకపోకలన్నిటిని రద్దు చేశారు. విమానాశ్రయంలోను అధికశాతం విమానసర్వీసులు రద్దయ్యాయి.

ముంబయిలో తీవ్రవాదులు ఇంకా తమ మారణకాండను కొనసాగించే యత్నాలు చేస్తున్నారు. వీలైనంత ఎక్కువమందిని చంపటమే వారి లక్ష్యంగా కనిపిస్తోంది. తాజాగా గురువారం ఉదయం 9.30 ప్రాంతంలో నారిమన్‌ హౌస్‌ ప్రాంతంలో తీవ్రవాదులకు పోలీసులకు మధ్య ఎదురుకాల్పులు జరుగుతున్నాయి. ఓ కుటుంబాన్ని నిర్భందించిన తీవ్రవాదులు కాల్పులకు తెగబడ్డారు. అక్కడ పరిస్థితి ఉద్రిక్తంగా మారింది.

ముంబయి పేలుళ్లలో తీవ్రవాదులు ప్రధాన లక్ష్యంగా చేసుకున్న తాజ్‌ హోటల్‌ వద్ద ఉద్రిక్తత కొనసాగుతోంది. ఈ ప్రాంతాన్ని భద్రతాదళాలు పూర్తిగా తమ అదుపులోకి తీసుకున్నాయి. హోటల్‌లో ఇంకా కొందరు తీవ్రవాదులు విదేశీ బందీలు ఉన్నట్లు తెలియటంతో సైన్యం కాల్పులు జరుపుతోంది. తీవ్రవాదులు కూడా ఎదురుకాల్పులు జరుపుతున్నారు. ఉద్రిక్తత తీవ్రంగా ఉండటంతో తాజ్‌ హోటల్‌ ఉన్న కొలాబా ప్రాంతంలో కర్ఫ్యూ విధించారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X