భారత్ కు సాయపడ్తాం: వైట్ హౌస్

వాషింగ్టన్: ముంబయి దాడుల నేపథ్యంలో అమెరికా వైట్ హౌస్ నిఘా విభాగం, కౌంటర్ టెర్రరిజం ఉన్నతాధికారుల సమావేశాన్ని నిర్వహించింది. భారత్ కు అన్ని విధాలా సాయపడతామని హామీ ఇచ్చింది. ఈ సాయంత్రం జాతీయ భద్రతా మండలి కౌంటర్ టెర్రరిజం, ఇంటలిజెన్స్ ఎజెన్సీల ఉన్నతాధికారుల, విదేశీ, రక్షణ శాఖల ఉన్నతాధికారుల సమావేశాన్ని ఏర్పాటు చేసినట్లు వైట్ హౌస్ ఒక ప్రకటనలో తెలియజేసింది.

అమెరికా ప్రభుత్వం పరిస్థితిని సమీక్షిస్తోంది. పౌరుల భద్రతపై కూడా దృష్టి పెడుతోంది. భారత ప్రభుత్వానికి సాయపడడానికి సంసిద్ధంగా ఉంది. టెర్రరిస్టుల దాడులను అమెరికా ప్రభుత్వం ఖండించింది. ఈ క్లిష్ట పరిస్థితిలో భారత ప్రజలకు అండగా నిలబడతామని హామీ ఇచ్చింది.