ఐఎస్ఐ చీఫ్ ను పంపండి: పిఎం

న్యూఢిల్లీ: పాకిస్థాన్ నిఘా సంస్థ ఐఎస్ఐ చీఫ్ ను ఢిల్లీకి పంపాలని ప్రధాని డాక్టర్ మన్మోహన్ సింగ్ పాకిస్థాన్ ప్రధాని యూసుఫ్ రజా జిలానీని కోరారు. జిలానీతో ఆయన శుక్రవారం ఆయన ఫోనులో మాట్లాడారు. ఉగ్రవాద దాడులపై పరస్పరం సమాచారాన్ని పంచుకోవడానికి ఐఎస్ఐ చీఫ్ ను ఢిల్లీకి పంపాలని ఆయన పాక్ ప్రధానిని కోరారు.

ముంబయి ఉగ్రవాద దాడుల వెనక విదేశీ శక్తుల ప్రమేయం ఉందని ప్రధాని గురువారంనాడు ఆరోపించిన విషయం తెలిసిందే. దాడుల వెనక పాకిస్థాన్ శక్తుల ప్రమేయం ఉన్నట్లు ప్రాథమిక సమాచారం ఉందని విదేశాంగ శాఖ మంత్రి ప్రణబ్ ముఖర్జీ తాజాగా చెప్పారు. ఈ విషయమై ప్రధాని మన్మోహన్ సింగ్ పాకిస్థాన్ అధ్యక్షుడు ఆసిఫ్ అలీ జర్దారీతో మాట్లాడుతారని కూడా ఆయన చెప్పారు.