మనమంతా తప్పుకుందాం: ఎమ్మెస్సార్

హైదరాబాద్: మనమంతా వచ్చే ఎన్నికల్లో పోటీ నుంచి తప్పుకుని యువకులకు అవకాశం ఇద్దామని కాంగ్రెస్ పార్టీ సీనియర్ శాసనసభ్యుడు ఎం. సత్యనారాయణరావు పార్టీ సీనియర్లకు సలహా ఇచ్చారు. సీనియర్లు పోటీ పోటీ నుంచి తప్పుకునే సమయమని ఆయన సోమవారం మీడియా ప్రతినిధులతో అన్నారు. సీనియర్లు లేరు, జూనియర్లు లేరని ఆయన వ్యాఖ్యానించారు. తెలంగాణపై సీనియర్లతో తాను ఢిల్లీ వెళ్లే ప్రసక్తి లేదని ఆయన అన్నారు.

ఢిల్లీ యాత్ర లేదని ఆయన స్పష్టం చేశారు. కాంగ్రెస్ ఆంధ్రప్రదేశ్ వ్యహారాల ఇంచార్జీ వీరప్ప మొయిలీ తెలంగాణపై తమ పార్టీ అధ్యక్షురాలు సోనియా గాంధీ నిర్ణయం శిరోధార్యమని ఆయన అన్నారు. తన మీద విశ్వాసం ఉంచాలని సోనియా గాంధీ చెప్పిన తర్వాత ఒత్తిడి తేవడం సమంజసం కాదని ఆయన అన్నారు. తెలంగాణపై తగిన సమయంలో తగిన నిర్ణయం తీసుకుంటామని సోనియా గాంధీ చెప్పినట్లు ఆయన తెలిపారు.