సీఎం పోస్టుకైనా సిద్ధం: బాలకృష్ణ

రాజమండ్రి: నాలుగు రోజుల తూర్పుగోదావరి పర్యటనలో భాగంగా సినీనటుడు బాలకృష్ణ రాజమండ్రి చేరుకున్నారు. మధురపూడి ఎయిర్‌పోర్ట్‌లో అభిమానులు, కార్యకర్తలు ఆయనకు ఘన స్వాగతం పలికారు. పార్టీ అధిష్టానం ఆదేశిస్తే సోదరి పురందేశ్వరిపై పోటీ చేయడానికైనా తాను సిద్ధమని ఆయన ఒక ప్రైవేటు చానల్ కు ఇచ్చిన ఇంటర్వ్యూలో చెప్పారు.

ముఖ్యమంత్రి పదవిని తాను ఆశించేదీ లేనిదీ ఇప్పుడే చెప్పలేనంటూ, ఆయన తండ్రి ఎన్టీఆర్ ను గుర్తు చేసుకున్నారు. చిరంజీవి ప్రజారాజ్యం పార్టీపై బాలయ్య చాలా లైట్ గా మాట్లాడారు. వచ్చే ఎన్నికల్లో పోటీ ప్రధానంగా తెలుగుదేశం, కాంగ్రెస్ పార్టీల మధ్యనే ఉంటుందని ఆయన అన్నారు. సంక్రాంతి తర్వాతనే పార్టీ తరఫున ప్రచారం చేస్తానని ఆయన చెప్పారు.