పవన్ నీతులు చెప్పకు:జీవిత

హైదరాబాద్ : త.త..త అంటూ మాట్లాడుతుంటారని..తెలుగు సినిమాల్లో నటిస్తున్న రాజశేఖర్‌ ముందుగా తెలుగు మాట్లాడటం నేర్చుకోవాలని అన్న యువరాజ్యం నేత పవన్ కళ్యాణ్‌పై రాజశేఖర్ సతీమణి జీవిత నిప్పులు చెరిగారు. శుక్రవారం ఆమె ఒక టీవీ ఛానెల్‌తో మాట్లాడుతూ రాజశేఖర్‌ను విమర్శించే హక్కు పవన్‌కు లేదని అన్నారు. ఐదు నిమిషాలు సరిగా నిలబడి మాట్లాడడం రాని పవన్‌ నీతులు చెప్పాల్సిన అవసరం లేదని అన్నారు. ఎన్నో సార్లు రాజశేఖరే తనుకు స్వచ్ఛమైన తెలుగు మాట్లాడటం రాదనే విషయం చెప్పారని గుర్తు చేశారు.

అయినా ఇప్పుడు కొత్తగా తెలుగు భాషపై పవన్‌కు అంత ప్రేమ ఎందుకు పుట్టుకు వచ్చిందో నాకు తెలియటంలేదని అన్నారు.తను నటించిన ప్రతి సినిమాలో వెస్ట్రన్ కల్చర్‌ను చూపించే ఆయన తెలుగుపై ఇంత ప్రేమను పెంచుకోవటం తనకు ఆశ్చర్యాన్ని కలిగిస్తోందని ఎద్దేవా చేశారు. తాళికట్టిన తెలుగు అమ్మాయిని వదిలేసి మరాఠీ అమ్మాయితో సహజీవనం చేస్తున్న పవన్‌కు తెలుగు సంస్కృతి గురించి మాట్లాడే హక్కు లేదని అన్నారు. పనిలో పనిగా చిరంజీవి బ్లడ్ బ్యాంకుపై కూడా ఆమె తీవ్ర స్థాయిలో విమర్శలు చేశారు. ఇతరుల రక్తంతో వ్యాపారం చేస్తూ తామెంతో సేవ చేస్తున్నారని విర్రవీగుతున్నారని ఆరోపించారు. పవన్ మాటలు చిన్న పిల్లల మాటల వలె ఉన్నాయని ఆయన కట్టడి చేయాల్సిన చిరంజీవే ప్రోత్సహిస్తున్నాడని అన్నారు.