ప్రధానిగా మోడీ:మిట్టల్,అనిల్ అంబానీ

అహ్మదాబాద్ :ప్రధాని అభ్యర్ధిగా నరేంద్ర మోడి అన్నివిధాలా యోగ్యుడని అహ్మదాబాద్లో జరిగిన ఓ అంతర్జాతీయ సదస్సులో కార్పోరేట్ దిగ్గజాలు అనిల్ అంబానీ,సునీల్ మిట్టల్ ప్రసంశించారు. ప్రధానికి ఉండాల్సిన అన్ని లక్షణాలు మోడీకి ఉన్నాయని ఆయన కొనియాడారు. దేశాన్ని నడిపించే సత్తా మోడికీ ఉందని సునీల్ మిట్టల్ స్పష్టం చేయటం చాలా మందికి మింగుడు పడటం లేదు. గుజరాత్ ని అన్న రంగాల్లో అభివృధ్ది ఫధంలో నడుపుతున్న మోడీ దేశానికి అవసరమని రిలెయన్స్ అనిల్ అంబానీ గ్రూప్ ఛైర్మన్ అనిల్ అంబాని చెప్పారు. మోడీ జాతాయ రాజకీయాల్లోకి రావాలని ఆయన ఆకాంక్షించారు.

ముకేష్ అంబానీ, రతన్ టాటా,కుమార మంగళం బిర్లా,కె.వి.కామత్ తో సహా నలభై దేశాలకు చెందిన పారిశ్రామిక వేత్తలు ఈ సదస్సులో పాల్గొన్నారు. కార్పోరేట్ దిగ్గజాల వ్యాఖ్యలతో కలవర పడ్డ బీ.జె.ఫీ పార్టీ వెంటనే నష్ట నివారణ చర్యలు ప్రారంభించింది. ఓ ప్రక్క భైరాన్ సింగ్ షెకావత్ నిరసన గొడవ మర్చిపోకముందే మోడి పేరు తెరపైకి రావడం పార్టీలో అయోమయ స్ధితికి చేరినట్లయింది. దాంతో వెంటనే తమ పార్టీ ప్రధాని అభ్యర్ధి అద్వానీయే అని మరో సారి ప్రకటన చేసారు.అలాగే మోడిపై ఈ దిగ్గజాలు చేసిన వ్యాఖ్యలు ఆయన పనితనాన్ని చూసి ప్రశంసించమే గానీ అంతకు మించి మరేమి కాదని అంటోంది పార్టీ నాయకత్వం.