మహాకూటమిపై మండిపడిన చిరు

హైదరాబాద్‌: మహాకూటమి ఏర్పాటుపై చిరంజీవి ఘాటుగా స్పందించారు. భావ సారూ ప్యత లేని పార్టీలు కూటమిగా ఏర్పడడం విడ్డూరమని ఆయన వ్యాఖ్యానించారు. అధికారమే పరమావధిగా విలువలకు తిలోదకాలిచ్చారని చిరు ధ్వజమెత్తారు. ఆయా పార్టీలు గతంలో ఒ కరిపై ఒకరు చేస్తున్న విమర్శల పరంపరను చిరంజీవి ప్రస్తావించారు.

గత ఎన్నికల్లో టిడిపితో జట్టుకట్టిన వామపక్షాలు బాబు రాష్ట్రాన్ని ప్రపంచ బ్యాంక్‌కు తాకట్టు పె ట్టారని, రాష్ట్రాన్ని ప్రయోగశాల చేశారని చెప్పి ఇప్పుడు ఆ బాబుతోనే కలవడానికి గల కారణాలు ఏమిటని చిరంజీవి ప్రశ్నించారు. బషీర్‌బాగ్‌ కాల్పుల ఘటనపై ఉద్యమాలు నడిపిన వామపక్ష నేతలు ఇప్పుడు ఇలా బాబును సమర్థించడాన్ని ఆక్షేపించారు.

అదేవిధంగా తెలంగాణ ద్రోహుల పార్టీ అంటూ టిడిపికి కొత్త అబ్రివేషన్‌ చెప్పిన టిఆర్‌ఎస్‌ ఇ ప్పుడు ఈ విధంగా వ్యవహరించడం వెనుక ఆంతర్యమేమిటని ప్రశ్నించారు. విలువలు లేని రాజకీయాలను తాము కోరుకోవడం లేదని, పూటకో మాట మార్చే నేతల వైఖరికి ప్రజలే ఓటు తో తీర్పు చెప్పి కళ్ళు తెరిపిస్తారని చిరంజీవి విలేఖర్ల సమావేశంలో అన్నారు.