మళ్ళీ చిరంజీవి ఉత్తరాంధ్ర పర్యటన

హైదరాబాద్‌: ప్రజారాజ్యం పార్టీ అధ్యక్షుడు చిరంజీవి మరోమారు ఉత్తరాంధ్ర పర్యటన షెడ్యూల్‌ ఖరారైంది. శనివారం శ్రీకాకుళం జిల్లా రాజాంలో పర్యటించి, రైతు సదస్సులో పాల్గొని ప్రసంగిస్తారు. చిరంజీవి 18, 19 తేదీల్లో విశాఖా జిల్లాలో పర్యటిస్తారు. మొదటి విడత పర్యటనలో విశాఖ వచ్చినప్పుడు ఆరోగ్య రీత్యా పర్యటన విరమించుకున్నారు. ఇప్పుడు జిల్లాలోని అరకు, పాడేరు, చింతపల్లి, నర్సిపట్నంలలో పర్యటించి ప్రసంగిస్తారు.

18వ తేదీన ఆయన విశాఖ గంగవరంలోని మత్స్యకారులతో భేటీ అవ్వడంతో పాటు వారి సమస్యలను తెలుసుకోనున్నారు. ఈ మేరకు చిరంజీవి పర్యటనకు సంబంధించి పిఆర్‌పి నాయకులు సన్నాహాలు చేస్తున్నారు. అదేరోజు సాయంత్రం విశాఖ బీచ్‌లో గాని పెదగంట్యాడలో కాని నిర్వహించే బహిరంగ సభలో చిరంజీవి ప్రసంగిస్తారు.