• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

జైల్లో ప్రత్యేక సెల్ కోరుతున్న రాజు

By Staff
|

Ramalinga Raju
హైదరాబాద్‌: చంచల్‌గూడ జైల్లో తమను ప్రత్యేకంగా చూడాలని సత్యం కంప్యూటర్స్‌ కుంభకోణంలో ఇరుక్కున్న సత్యం కంప్యూటర్స్‌ మాజీ ఛైర్మన్‌ రామలింగరాజు కోర్టుకు విజ్ఞప్తి చేశారు. తనతో పాటు తమ్ముడు రామరాజు, సీఎఫ్‌వో వి.శ్రీనివాస్‌ను దొంగలతో కలిపి జైల్లో పెట్టకూడదని కోరారు. ఆంధ్రప్రదేశ్‌ జైలు నిబంధన 730 ప్రకారం రాజుకు ప్రత్యేక సెల్‌ కేటాయించాలని అతని తరపు న్యాయవాది రవీందర్‌రెడ్డి ఆరోమెట్రోపాలిటన్‌ కోర్టు న్యాయమూర్తికి అభ్యర్థించారు. జనవరి 10 నుంచి జైల్లో వరకట్న వేధింపుల నిందితులతో కలిపి ఉంచారని తెలిపారు.

జైల్లో ఎక్కువ కాలం ఉండాల్సిన అవసరం లేదని మొదట అనుకున్న రామలింగరాజు తనకు ప్రత్యేక సదుపాయాలు అవసరం లేదని జైలు అధికారులకు చెప్పడం, ఆ వార్తకు విస్తృత ప్రచారం రావడం తెలిసిందే. ఇప్పట్లో బెయిల్ రాదని తెలుసుకున్న రాజు ఇప్పుడు ప్రత్యేక సెల్ కోరుతున్నారు. ప్రత్యేక సెల్ అయితే మంచం, పరుపు, టేబుల్, రెండు కుర్చీలు ఉంటాయి. తన ఖర్చు మీద ఎన్ని న్యూస్ పేపర్లయినా పుస్తకాలైనా తెప్పించుకోవచ్చు. జైలు ఖర్చు మీదే ప్రతిరోజూ మెనూలో మటన్ గానీ చికెన్ గానీ అదనంగా లభిస్తుంది. రాజు కోరుకునే ఏ ప్రత్యేక కూరనైనా ఆయన స్వంత ఖర్చు మీద జైలులోనే తయారు చేసి ఇస్తారు. ఈ పిటిషన్ పై న్యాయమూర్తి సోమవారం తీర్పు ఇచ్చే అవకాశముంది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X