అభిమానులతో చిరుకి సమస్య

గుంటూరు: బైబిల్‌ మిషన్‌ మహాసభల్లో పాల్గొనేందుకు ప్రజారాజ్యం పార్టీ అధినేత చిరంజీవికి అక్కడ అభిమానులనుండి సమస్యలు ఎదురయ్యాయి. నాగార్జున వర్సిటీ ఎదుట ఏర్పాటు చేసిన బైబిల్‌ మిషన్‌ మహాసభల్లో పాల్గొనేందుకు చిరంజీవి ప్రత్యేక హెలికాఫ్టర్‌లో నాగార్జున నగర్‌ చేరుకున్నారు. అయితే అప్పటికే సమాచారం తెలుసుకున్న అభిమానులు భారీగా పోగయ్యారు. దాంతో ఆయన రాగానే పెద్ద సంఖ్యలో హెలికాఫ్టర్‌ను చుట్టు ముట్టారు. ఆ పరిస్ధితిలో చిరంజీవి కిందికి దిగలేక అరగంట సేపు అందులోనే ఉండిపోయారు. అక్కడ ఉన్న సెక్యూరిటీ కూడా ఏమీ చేయలేక చేతులు ఎత్తేశింది.

ఇక బైబిల్‌ సమావేశంలో పాల్గొన్న చిరంజీవి మాట్లాడుతూ ప్రజలు ఇచ్చిన పైసా,ఫైసాతో నేను ఇంత వాడిని అయ్యాను. అందుకే మీకు సేవ చేసేందుకు మదర్‌థెరిస్సా స్ఫూర్తితో రాజకీయాలకు వచ్చానని తెలిపారు. తాము అధికారంలోకి వస్తే క్రిస్టయిన్‌ హాస్టల పర్యవేక్షణకు ప్రత్యేక బోర్డును ఏర్పాటు చేస్తామన్నారు.