శ్రీకాంత్ చిత్రానికి చిరు క్లాప్

హైదరాబాద్: ప్రముఖ సినీ నటుడు శ్రీకాంత్ వందో చిత్రం మహాత్మాకు ప్రజారాజ్యం అధినేత చిరంజీవి ఆదివారం క్లాప్ కొట్టారు. మహాత్మా షూటింగ్ ప్రారంభ కార్యక్రమానికి కర్ణాటక మాజీ ముఖ్యమంత్రి కుమారస్వామి కూడా హాజరయ్యారు. ఈ చిత్రానికి కృష్ణవంశీ దర్శకత్వం వహిస్తున్నారు. శ్రీకాంత్ పీపుల్స్ ఎన్ కౌంటర్ తో తెలుగు సినీ రంగంలో ప్రవేశించారు.

ఖడ్గం చిత్రం తర్వాత కృష్ణవంశీతో మహాత్మా వంటి దేశభక్తి చిత్రాన్ని చేయడం ఆనందంగా ఉందని శ్రీకాంత్ చెప్పాడు. కృష్ణవంశీ మంచి దర్శకుడని ఆయన అన్నారు. కెరీర్ లో వంద చిత్రాలు చేసే హీరోల్లో చిట్టచివరివాడు శ్రీకాంతే కావచ్చునని కృష్ణవంశీ అన్నాడు.