కృష్ణంరాజు నేడు కాంగ్రెస్ లోకి

హైదరాబాద్‌: కాంగ్రెస్‌ పార్టీలో చేరేందుకు రెబల్‌స్టార్‌ కృష్ణంరాజు నిర్ణయించుకున్నట్లు ఖరాఖండిగా తెలుస్తొంది. ఆయన కాంగ్రెస్ పార్టీ తీర్ధం పుచ్చుకునేందుకు రంగం సిద్ధం చేశారు. ఈ సాయంత్రం ముఖ్యమంత్రి వైఎస్‌ రాజశేఖరరెడ్డితో కృష్ణంరాజు సమావేశం కానున్నారు. వీలైతే ఆయన సోనియా గాంధీ సమక్షంలోనే కాంగ్రెస్ లో చేరుతారు.

రాజు రెండు సార్లు బీజేపీ ఎంపీగా గెలిచి గత వాజ్‌పేయి ప్రభుత్వంలో కేంద్ర మంత్రిగా చేశారు. పశ్చిమ గోదావరి జిల్లాలో చిరంజీవి ప్రభావాన్ని తగ్గించేందుకు కృష్ణంరాజును కాంగ్రెస్‌ పార్టీలోకి ఆహ్వానిస్తున్నారు. ఇప్పటికే రాజుకు నర్సాపురం ఎంపీ టికెట్‌ హామీ ఇచ్చినట్లు తెలుస్తొంది. చిరంజీవిది, కృష్ణంరాజుది పశ్చిమగోదావరి జిల్లా మొగల్తూరే కావడం విశేషం.