సిన్మాలు ఆపినా ఏమీకాదు: చిరు

హైదరాబాద్: ఎన్నికల ప్రచారంలో ఉన్న సినిమా నటుల చిత్రాలు ప్రైవేటు టీవీ చానళ్ళలో ప్రసారం కాకుండా అడ్డుకోవాలని కాంగ్రెస్ నాయకుడు రోశయ్య ఎన్నికల సంఘానికి చేసిన వినతిని ప్రస్తావిస్తూ ఆయన "మేం జనం గుండెల్లో ఉన్నాం. మా సినిమాలను టీవీలలో అడ్డుకున్నంత మాత్రాన నష్టం ఏమీ జరగదు. ఎవరికి ఓటేయాలో వారు ఇప్పటికే ఒక నిర్ణయానికి వచ్చారు" అన్నారు.

కృష్ణా జిల్లా పర్యటనకు వెళ్ళబోయే ముందు ఆయన మీడియాతో మాట్లాడారు. హైదరాబాద్‌లో ఈనెల 21న తాము నిర్వహించనున్న బహిరంగసభ రాజమండ్రి సభను మించి విజయవంతం అవుతుందని ఆయన ధీమా వ్యక్తం చేశారు. సభకు 10 లక్షలమందికి పైగా వస్తారని అంచనా వేస్తున్నామన్నారు. తన కృష్ణా జిల్లా పర్యటనకోసం కార్యకర్తలు ఎంతో వేచి చూస్తున్నారని ఆయన అన్నారు.