యువతకు రామ్ చరణ్ తేజ పిలువు

హైదరాబాద్: ప్రభుత్వాన్ని నిలబెట్టాలన్నా, కూల్చాలన్నా యువతకే సాధ్యమని ప్రజారాజ్యం అధినేత చిరంజీవి కుమారుడు, సినీ నటుడు రామ్ చరణ్ తేజ అన్నాడు. ఈ ఎన్నికల్లో ఓటు హక్కును వినియోగించుకోవాలని ఆయన యువతకు పిలుపునిచ్చారు. ఈ ఎన్నికల్లో తాను ఓటు వేస్తానని, యువత కూడా ఓటు వేయాలని ఆయన అన్నారు.

తండ్రి చిరంజీవి పార్టీని స్థాపించి ప్రజలను ఆకట్టుకోవడానికి పర్యటనలు చేస్తున్నప్పటికీ, బాబాయ్ పవన్ కళ్యాణ్ రోడ్ షోలు నిర్వహిస్తూ దుమారం రేపుతున్నప్పటికీ ఇంత కాలం రామ్ చరణ్ తేజ రాజకీయాల గురించి బహిరంగంగా మాట్లాడలేదు. గురువారం ఆయన రాజకీయపరమైన ఎజెండాతో ముందుకు వచ్చినట్లు కనిపిస్తున్నారు.