చిరంజీవి సభకు లక్షలాది జనం

హైదరాబాద్: ప్రజారాజ్యం పార్టీ శనివారం సాయంత్రం సికింద్రాబాద్ పరేడ్ గ్రౌండ్స్ లో నిర్వహిస్తున్న ప్రజా విజయభేరికి జనం భారీ ఎత్తున హాజరయ్యారు. జంట నగరాలు, తెలంగాణ జిల్లాల నుంచే కాక ఆంధ్రప్రాంతం నుంచి కూడా జనాన్ని సమీకరించారు. ఈ సభ 1994 లో ఎన్టీఆర్ ఇదే ప్రాంగణంలో నిర్వహించిన సభను తలపింపజేసింది.

చిరంజీవి కంటే ముందు ప్రజారాజ్యం మహిళా నాయకులు, అధికార ప్రతినిధులు మాట్లాడారు. ఈ సభకు ఇప్పటికే మూడు లక్షల మందికి పైగా హాజరైనట్టు తెలుస్తోంది. నాలుగు గంటల నుంచి వేదిక మీద తెలంగాణ సాంస్కృతిక బృందాలు సభకు హాజరైన జనాన్ని అలరించారు.