అమెరికాలో మరో ఆంధ్రా విద్యార్థి మృతి

హైదరాబాద్: ఇటీవల రోడ్డు ప్రమాదానికి గురైన నలుగురు ఆంధ్రుల మృతదేహాలు రాష్ట్రానికి చేరక ముందే మరో ఘోరం జరిగింది. న్యూయార్క్ లో జరిగిన ప్రమాదంలో హైదరాబాదుకు చెందిన 2005 ఏఓపో రాజీవ్ రెడ్డి మరణించాడు. మంగళవారం ఉదయం లాంగ్ ఐలాండ్ నుంచి న్యూయార్క్ కు వెళ్లడానికి రైలు ఎక్కుతూ కాలు జారి కింద పడిపోయాడు. దాంతో అతను అక్కడికక్కడే మరణించాడు. దాంతో తాత, అమ్మమ్మ హుటాహుటిన అమెరికాకు బయలుదేరారు. రాజీవ్ రెడ్డి అంత్యక్రియలకు అయ్యే ఖర్చులను తాము భరిస్తామని తానా కార్యదర్శి తోటకూర ప్రసాద్ ప్రకటించారు.

చిన్నప్పుడే తల్లిదండ్రులను కోల్పోయిన రాజీవ్ రెడ్డి తాత, అమ్మమ్మ సంరక్షణలో పెరిగాడు. 2004లో శ్రీనిధి ఇంజినీరింగ్ కళాశాలలో బిటెక్ (కంప్యూటర్స్) చదివిన అతను 2006లో ఎంఎస్ చేయడానికి అమెరికా వెళ్లాడు. న్యూయార్క్ ఇనిస్టిట్యూట్ ఆఫ్ టెక్నాలజీలో ఎంఎస్ పూర్తి చేసి ఉద్యోగ ప్రయత్నాల్లో ఉన్నాడు.