ప్రజాస్వామ్యం కోసం ఓటు: బాబు

హైదరాబాద్: ఆరోగ్యకరమైన ప్రజాస్వామ్యం కోసం ప్రతి ఒక్కరూ ఓటు వేయాలని తెలుగుదేశం పార్టీ అధ్యక్షుడు నారా చంద్రబాబునాయుడు ప్రజలకు విజ్ఞప్తి చేశారు. ఆరోగ్యకరమైన ప్రజాస్వామ్యం కోసం ప్రజలు తమ ఓటు హక్కును వినియోగించుకోవాల్సిన అవసరం ఉంటుందని ఆయన చెప్పారు. సతీమణి భువనేశ్వరి, కుమారుడు లోకేష్ లతో కలిసి ఆయన గురువారం హైదరాబాదులోని జూబిలీ హిల్స్ లో తన ఓటు హక్కును వినియోగించుకున్నారు. ఓటును వృధా చేయవద్దని ఆయన చెప్పారు.

బిజెపి రాష్ట్రాధ్యక్షుడు బండారు దత్తాత్రేయ హైదరాబాదులోని రాంనగర్ లో తన ఓటు హక్కును వినియోగించుకున్నారు. సిపిఐ రాష్ట్ర కార్యదర్శి కె. నారాయణ కూడా ఓటు వేశారు. సినీ నటులు, ప్రజారాజ్యం నేతలు పవన్ కళ్యాణ్, నాగబాబు జూబిలీ హిల్స్ లో ఓటేశారు.