పురూలియాలో పేలుడు: జవాన్లకు గాయాలు

కోల్‌ కత్తా: పశ్చిమ బెంగాల్‌లో మూడవ విడత పోలింగ్‌ సందర్భంగా గురువారం మందుపాతర పేలిన సంఘటన తీవ్ర ఉద్రిక్తతకు దారి తీసింది. పురూలియా జిల్లాలోని బీరమడి పోలింగ్‌ కేంద్రం వద్ద జరిగిన ఈ పేలుడులో ఇద్దరు జవాన్లు గాయపడ్డారు. మావోయిస్టులు ఈ మందుపాతర పేల్చినట్లు చెబుతున్నారు.

జవాన్లు గస్తీ తిరుగుతుండగా మావోయస్టులు గురువారం ఉదయం 7 గంటల 50 నిమిషాల ప్రాంతంలో మందుపాతర పోల్చినట్లు, దీంతో పోలింగ్ నిలిచిపోయినట్లు పోలీసు సూపరింటిండెంట్ రాజేష్ యాదవ్ చెప్పారు. సంఘటనా స్థలానికి ఆయన వెంటనే చేరుకున్నారు. పురూలియా జిల్లా కోల్ కత్తాకు 295 కిలోమీటర్ల దూరంలో ఉంటుంది.