జయలలితతో బాబు సంప్రదింపులు

చెన్నై: తెలుగుదేశం పార్టీ అధ్యక్షుడు నారా చంద్రబాబు నాయుడు శుక్రవారం ఉదయం అన్నాడియంకె నేత జయలలితతో ఫోన్ లో మాట్లాడారు. ఈ నెల 18వ తేదీన ఢిల్లీలో జరిగే తృతీయ కూటమి సమావేశానికి రావాల్సిందిగా ఆయన జయలలితను కోరారు. ఆమె ఈ ఆహ్వానాన్ని అంగీకరించారు. ఆమె ఈ నెల 18వ తేదీన ఆమె ఢిల్లీలో ఉంటారు.

సిపిఐ, సిపిఎం నాయకులు కూడా జయలలితను తరుచుగా సంప్రదిస్తున్నారు. సిపిఐ ప్రధాన కార్యదర్శి ఎబి బర్దన్, సిపిఎం ప్రధాన కార్యదర్శి ప్రకాష్ కారత్ ఆమెతో ఫోనులో మాట్లాడారు. ఏ కూటమితో ఉంటాననే విషయం స్ఫష్టం చేయకపోవడంతో ఆమెను సంప్రదించే నాయకుల సంఖ్య పెరిగింది. బిజెపి నాయకులు జయలలిత మద్దతు పొందడానికి తీవ్రంగా ప్రయత్నాలు మొదలు పెట్టారు. జయలలితతో సంధి చేసుకునే ప్రయత్నాలను బిజెపి అగ్రనేతలు గుజరాత్ ముఖ్యమంత్రి నరేంద్ర మోడీకి అప్పగించారు.