10 లక్షల ఎకరాలకు నీరు: సీఎం

హైదరాబాద్‌: వచ్చే అయిదేళ్లలో 9,600 కోట్ల రూపాయలతో 10 లక్షల ఎకరాలకు సాగునీరు అందించాలని ముఖ్యమంత్రి వైయస్ రాజశేఖరరెడ్డి అన్నారు. మైనర్‌ ఇరిగేషన్‌ శాఖ ఉన్నతాధికారులతో ఆయన సోమవారం సమీక్షా సమావేశం నిర్వహించారు. ఈ సందర్భంగా పలు నిర్ణయాలు తీసుకున్నారు.

250 కోట్లతో పంచాయతీ చెరువుల అభివృద్ధి చేపట్టాలని, కృషి విజ్ఞానకేంద్రాల ద్వారా లక్షా 65 వేల మంది రైతులకు శిక్షణ ఇవ్వాలని నిర్ణయించారు. ఇరిగేషన్‌ పథకాలకు నిధులకోసం ఇబ్బందిపడవద్దని, వాటికోసం ప్రపంచబ్యాంకు షరతులకు తలొగ్గవద్దని కోరారు.