ఐఎఎస్ అధికారి సహా కుటుంబం మృతి

భువనేశ్వర్: ఒరిస్సాలోని సీనియర్ ఐఎఎస్ అధికారి సహా అతని నలుగురు కుటుంబ సభ్యులు అనుమానాస్పద స్థితిలో శుక్రవారం మరణించారు. జగన్నాథ పాండాతో పాటు అతని కుటుంబ సభ్యులు బార్ గడ్ జిల్లాలోని దియోగావ్ గ్రామంలో మరణించి ఉండడం కనిపించింది. ఈ సంఘటన శుక్రవారం తెల్లవారుజామున రెండు గంటల ప్రాంతంలో సంభవించినట్లు అనుమానిస్తున్నారు.

మృతుల తలలపై బుల్లెట్ గాయాలున్నాయి. పాండాతో పాటు ఆయన భార్య, తండ్రి, ఇద్దరు సోదరీలు మరణించారు. పాండా శవం వద్ద సర్వీస్ రివాల్వర్ పడి ఉంది. శవాలను బుర్లాలోని విఎస్ ఎస్ వైద్య కళాశాల ఆస్పత్రికి తరలించారు. ఓవర్సీస్ వ్యవహారాల మంత్రిత్వ శాఖలో డిప్యూటేషన్ పై పని చేస్తున్న పాండా రోజుల క్రితం తన స్వగ్రామానికి వచ్చారు. కొద్ది రోజుల క్రితం సిబిఐ అధికారులు పాండా ఢిల్లీ కార్యాలయంలో సోదాలు నిర్వహించినట్లు సమాచారం.