మోహన్ బాబు వరుణ యాగం

చిత్తూరు: ప్రముఖ సినీ నటుడు మోహన్ బాబు సోమవారం వరుణ యాగం ప్రారంభించారు. సతీ సమేతంగా ఆయన వరుణ యాగం నిర్వహించారు. చిత్తూరు జిల్లాలోని రంగంపేట గ్రామంలో శ్రీవిద్యానికేతన్ విద్యాసంస్థలో ఆయన ఈ యాగం నిర్వహించారు. రాష్ట్రం సస్యశ్యామలంగా ఉండాలని, ప్రజలు సుభిక్షంగా వర్థిల్లాలని కోరుతూ ఆయన ఈ యాగం తలపెట్టారు.

రాష్ట్రంలో ఈ ఏడాది వర్షాలు లేవు. వర్షాకాలం లేకుండా పోయింది. దీంతో వ్యవసాయం పూర్తిగా దెబ్బ తినే పరిస్థితులున్నాయి. రుతుపవనాలు సకాలంలో రాకపోవడంతో రైతులు తీవ్ర ఇబ్బందులకు గురవుతున్నారు. ఈ నేపథ్యంలో మోహన్ బాబు వరుణ యాగాన్ని తలపెట్టారు.