రైతులతో వైయస్ రచ్చబండలు

హైదరాబాద్: ముఖ్యమంత్రి డాక్టర్ వైయస్ రాజశేఖర రెడ్డి వచ్చే నెల నుంచి రైతులతో గ్రామాల్లో రచ్చబండలు నిర్వహించనున్నారు. వచ్చే నెల 2వ తేదీ నుంచి ఆయన జిల్లాల్లో పర్యటిస్తారు. శాసనసభ సమావేశాలు ముగిసిన వెంటనే ఆయన తన పర్యటనకు శ్రీకారం చుడుతున్నారు.

ముందుగా ఆయన తిరుపతిలో పర్యటిస్తారు. 3న నెల్లూరు, 4న ప్రకాశం, 9న చిత్తూరు, కడప, కర్నూలు జిల్లాల్లో పర్యటిస్తారు. ఈ సందర్భంగా రైతులతో నేరుగా మాట్లాడేందుకు గ్రామాల్లో రచ్చబండలు నిర్వహిస్తారు. రాష్ట్రంలో కరువు పరిస్థితులు నెలకొని ఖరీఫ్ సీజన్ తీవ్రంగా దెబ్బ తిన్న నేపథ్యంలో ఆయన ఈ రచ్చబండలు నిర్వహించాలని తలపెట్టారు.