బెంగుళూర్ లో మరో స్వైన్ ఫ్లూ మృతి

బెంగుళూర్: తాజాగా కర్నాటక రాజధాని బెంగుళూర్ లో మరో మరణం సంభవించింది. దీంతో కర్నాటకలో స్వైన్ ఫ్లూ వల్ల మరణించిన వారి సంఖ్య ఆరుకు చేరుకుంది. దేశంలో స్వైన్ ఫ్లూ వల్ల మృతి చెందినవారి సంఖ్య 30కి చేరింది. స్వైన్ ఫ్లూ తాకిడికి పూణే విలవిలలాడుతోంది. పూణేలో ఇప్పటి వరకు 13 మంది మరణించారు. ఈ నెల 23వ తేదీ వరకు విద్యా సంస్థలను, సినిమా హాళ్లను మూసేశారు.

ముంబైలో తాజాగా ఒక గర్భిణీ స్త్రీ సోమవారం మరణించింది. ముంబైలో ఇప్పటి వరకు ముగ్గురు స్వైన్ ఫ్లూ వల్ల మరణించారు. పూణేలో ఆదివారం రాత్రి పొద్దుపోయిన తర్వాత బీనా గోన్సాల్వేస్ అనే 36 ఏళ్ల మహిళ మరణించిన విషయం తెలిసిందే. గత మూడు రోజులుగా నగరంలో స్వైన్ ఫ్లూ మరణాలు తగ్గు ముఖం పట్టినట్లు పూణే జిల్లా కలెక్టర్ చంద్రకాంత్ దాల్వే చెప్పారు. స్క్రీనింగ్ సెంటర్లకు వచ్చే వారి సంఖ్య కూడా తగ్దిందని ఆయన చెప్పారు.