131కి చేరిన స్వైన్ ఫ్లూ మృతులు

న్యూఢిల్లీ: ఆరు తాజా మరణాలతో స్వైన్ ఫ్లూ వ్యాధికి బలైన వారి సంఖ్య దేశంలో 31కి చేరింది. మహారాష్ట్రలో తాజాగా ముగ్గురు మరణించారు. దీంతో ఈ రాష్ట్రంలో స్వైన్ ఫ్లూ వల్ల ఇప్పటి వరకు 62 మంది మరణించారు. తాజాగా ఆదివారం కర్నాటక, తమిళనాడు, గుజరాత్ రాష్ట్రాల్లో ఒక్కరేసి మరణించారు. తాజాగా 93 స్వైన్ ఫ్లూ కేసులు దేశంలో నమోదయ్యాయి. దీంతో స్వైన్ ఫ్లూ బారిన పడిన వారి సంఖ్య 4,738కి చేరుకుంది.

తాజా స్వైన్ ఫ్లూ కేసుల్లో ఢిల్లీలో 35 నమోదయ్యాయి. ఢిల్లీలో ఇప్పటి వరకు 809 మంది స్వైన్ ఫ్లూతో బాధపడుతున్నారు. మరణాల్లోనూ కేసుల నమోదులోనూ మహారాష్ట్ర దేశంలో మొదటి స్థానంలో ఉంది. మహారాష్ట్రలో తాజాగా 19 కేసులు నమోదై ఆ సంఖ్య 1,823కు చేరింది. ఆంధ్రప్రదేశ్ లో తాజాగా 8 కేసులు నమోదైనట్లు అధికారులు చెప్పారు.