ఎంబాప్పె సేనకు చుక్కెదురు: ఇంగ్లాండ్ స్టార్ హ్యాట్రిక్: ఫ్రాన్స్ కు ఆ ఛాన్సూ దక్కలేదు

ఫిఫా ఫుట్‌బాల్ వరల్డ్ కప్ లో ఇంగ్లాండ్ సంచలన విజయం సాధించింది. కాంస్య పతకం కోసం సాగిన ఈ హోరాహోరీగా గేమ్ లో ఫ్రాన్స్ ను మట్టికరిపించింది. ఇంగ్లాండ్ 6-4 గోల్స్ తేడాతో మ్యాచ్ సొంతం చేసుకుంది. ఫిఫాలో రజత పతకాన్ని ఖాయం చేసుకుంది. జట్లూ నువ్వా నేనా అన్నట్లు పోటీపడటంతో గోల్స్ వర్షం కురిసిందీ మ్యాచ్ లో. ఇంగ్లాండ్ స్టార్ బుకాయో సాకా హ్యాట్రిక్ తో చెలరేగగా.. ఫ్రాన్స్ తరఫున కిలియన్ ఎంబాప్పె అద్వితీయ పోరాటపటిమను కనపర్చాడు.

మ్యాచ్ ఆరంభం నుంచే ఇంగ్లాండ్ ఆటగాళ్లు పూర్తి ఆధిక్యం ప్రదర్శించారు. ఆట ప్రారంభమైన మూడో నిమిషంలోనే లభించిన అవకాశాన్ని డెక్లాన్ రైస్ అద్భుత గోల్‌గా మలిచి ఖాతా తెరిచాడు. ఆ తర్వాత 18వ నిమిషంలో డిఫెండర్ ఎజ్రీ కొన్సా, 37వ నిమిషంలో బుకాయో సాకా వరుసగా ఫ్రాన్స్ డిఫెన్స్ ను చేధించారు. మైండ్ బ్లోయింగ్ గోల్స్ కొట్టారు. ఫస్ట్ హాఫ్ ముగిసే సమయానికి సాకా మరో గోల్ చేయడంతో, ఇంగ్లాండ్ ఏకంగా 4-0 ఆధిక్యంతో పటిష్ట స్థితికి చేరుకుంది.

సెకెండ్ హాఫ్ లో ఫ్రాన్స్ ఊహించని రీతిలో పుంజుకుంది. జట్టు స్టార్ స్ట్రైకర్ కిలియన్ ఎంబాపె తడాఖా చూపాడు. 48, 66వ నిమిషాల్లో రెండు గోల్స్ సాధించి జట్టుకు ప్రాణం పోశాడు. వీటికి తోడు 54వ నిమిషంలో కూడా మరో గోల్ పడింది. యువ సంచలనం బ్రాడ్లీ బార్కోలా మెరుపు గోల్ చేయడంతో గేమ్ రసవత్తరంగా మారింది. కొద్ది నిమిషాల్లోనే స్కోర్ 4-3కి చేర్చి ఫ్రాన్స్ జట్టు మ్యాచ్‌పై పట్టు సాధించింది. స్కోర్లు సమం అవుతాయనుకునే దశలో ఓ అద్భుతం సంభవించింది.

మ్యాచ్ చివరి ఘట్టానికి చేరిన వేళ.. ఇంగ్లాండ్ తిరిగి దూకుడు పెంచింది. 87వ నిమిషంలో బుకాయో సాకా మరో గోల్ కొట్టాడు. మ్యాచ్ మొత్తానికీ ఇది అతని మూడో గోల్. వరుసగా మూడు గోల్స్ తో హ్యాట్రిక్ నమోదు చేశాడు.. దీంతో ఇంగ్లాండ్ సంబరాల్లో మునిగిపోయింది. అదనపు సమయంలో ఫ్రాన్స్ స్టార్ ఉస్మాన్ డెంబెలే (90+6) ఒక గోల్ చేసి తన జట్టును తిరిగి రేసులో నిలిపినప్పటికీ.. చివరి నిమిషంలో (90+8) జూడ్ బెల్లింగ్‌హామ్ చేసిన గోల్‌తో ఇంగ్లాండ్ జయకేతనం ఎగురవేసింది.

ఈ ముఖాముఖి పోరులో ఇంగ్లాండ్ ఎక్కువ సమయం పాటు బంతిని తమ అదుపులో ఉంచుకోగలిగింది. 55 శాతం మేర బంతిపై నియంత్రణ సాధించగలిగింది. ఫ్రాన్స్ 45 శాతం పొసెషన్‌తో దాదాపుగా సమవుజ్జీగా నిలవగలిగింది. ఈ రెండు జట్లకు చెందిన స్ట్రైకర్లు గోల్ పోస్ట్ లక్ష్యంగా పట్టువదలకుండా సమానంగా 18 సార్లు షాట్లు కొట్టారంటే.. మ్యాచ్ తీవ్రత ఏంటనేది అర్థం చేసుకోవచ్చు. ఈ మ్యాచ్ తో మూడో స్థానంలో నిలిచింది ఇంగ్లాండ్. ఫ్రాన్స్ కు ఆ అవకాశమూ దక్కలేదు.

English summary

Bukayo Saka Makes World Cup History With a Hat-Trick in England’s Bronze Clash vs France with 6-4 Goals. Saka opened his account in the 37th minute after Marcus Rashford threaded a perfectly weighted pass into his path. Timing his run to perfection, the winger struck.