తిరుపతి లడ్డుకు పేటెంట్ హక్కు

న్యూఢిల్లీ: శ్రీవారి భక్తులకు ప్రీతిపాత్రమైన తిరుపతి లడ్డుకు జియోగ్రాఫికల్ కాపీ హక్కులు లభించాయి. తిరుపతి కొండపై తయారయ్యే లడ్డు ప్రసాదంపై తిరుమల తిరుపతి దేవస్థానానికి (టిటిడికి) సర్వ హక్కుల లభించాయి. తిరుపతి లడ్డు పేరును వాడుకోవడానికి గానీ దాన్ని తయారు చేయడానికి గానీ ఇతరులకు హక్కులు లభించకుండా ఈ కాపీరైట్ అడ్డుకుంటుంది. ఈ కాపీ రైట్ కోసం టిటిడి అధికారులు చెన్నైలోని జియోగ్రాఫికల్ ఇండికేషన్ రిజిస్ట్రీలో గత మార్చిలో దరఖాస్తు చేసుకున్నారు.

జియోగ్రాఫికల్ కాపీరైట్ సర్టిఫికెట్ ను ఆసిస్టెంట్ రిజిస్ట్రార్ ఆఫ్ ట్రేడ్ మార్క్ జిఎల్ వర్మ టిటిడి అధికారులకు అందించారు. ఇక ముందు తిరుపతి లడ్డును ఇతరుల తయారు చేయడాన్ని ఈ కాపీరైట్ హక్కు అడ్డుకుంటుందని, తద్వారా తిరుపతి లడ్డూ తయారీకి రక్షణ ఉంటుందని వర్మ చెప్పారు.