నేడు బ్రహ్మచారిణిగా భ్రమరాంబ

కర్నూల్‌: నవరాత్రి ఉత్సవాల్లో భాగంగా అమ్మవారు నేడు బ్రహ్మచారిణి అవతారంలో భక్తులకు దర్శనం ఇవ్వనున్నారు. అంతేకాక ఈ రోజు మయూర వాహనం ఎక్కి స్వామివారు భక్తులకు కనువిందు చేయనున్నారు. ఇదిలా ఉండగా శ్రీశైలంలోని భమరాంభికాదేవికి రూ.17లక్షలువిలువ చేసే సువర్ణ కూర్మపీఠాన్ని అనంతపురం ఎమ్మెల్సీ వై.శివరామరెడ్డి బహుకరించారు.

మరో పక్క విజయవాడలోనూ ఘనంగా శరన్నవరాత్రులు ప్రారంభమయ్యాయి. ఇవాళ అమ్మవారు స్వర్ణకవచాలాంకృత దుర్గాదేవిగా భక్తులకు దర్శనమిస్తారు. వేకువ జామున 3 గంటలకే సుప్రభాత సేవతో ఇంద్రాకీలాద్రిపై వేడుక మొదలయింది. తొలి దర్శనం కోసం భక్తులు భారీగా తరలి రావడంతో క్యూలైన్లు నిండిపోయాయి.