జర్నలిస్టులపై పోలీసుల దౌర్జన్యం

విజయవాడ: విజయవాడలోని ఇంద్ర కీలాద్రిపై దసరా ఉత్సవాల వార్తను సేకరించడానికి వెళ్లిన జర్నలిస్టులపై పోలీసులు దురుసుగా ప్రవర్తించారు. ఈ సంఘటన మంగళవారం ఉదయం జరిగింది. మీడియా పాసులున్నా వారిని పోలీసులు లోనికి అనుమతించలేదు. ఇదేమిటని ప్రశ్నించిన జర్నలిస్టులపై దురుసుగా వ్యవహరించారు.

ఓ జర్నలిస్టుపై పోలీసు కానిస్టేబుల్ చేయి కూడా చేసుకున్నాడు. ఫిర్యాదు చేసిన జర్నలిస్టులకు సిఐ రమణ నిర్లక్ష్యంగా సమాధానమిచ్చారు. మీ ఇష్టమొచ్చిన చోట ఫిర్యాదు చేసుకోండని అన్నారు. పోలీసుల చర్యను నిరసిస్తూ జర్నలిస్టులు ఆందోళనకు దిగారు. నల్లబ్యాడ్జీలు ధరించి నిరసన తెలిపారు.