రోశయ్యతో కృష్ణంరాజు, కాంగ్రెస్ ఆకర్షణ?

హైదరాబాద్: సినీనటుడు, మాజీ కేంద్ర మంత్రి కృష్ణంరాజు శుక్రవారం ఉదయం ముఖ్యమంత్రి రోశయ్యను సతీసమేతంగా కలిశారు. ముఖ్యమంత్రిని మర్యాదపూర్వకంగానే కలిశానని దీనికి రాజకీయ ప్రాధాన్యత లేదని కృష్ణంరాజు మీడియాకు చెప్పారు. ఇటీవలే ప్రజారాజ్యం పార్టీకి రాజీనామా చేసిన కృష్ణంరాజు కాంగ్రెస్ లో చేరతారని వదంతులు వస్తున్నాయి.

సినిమా హీరోగా, నిర్మాతగా, పారిశ్రామిక వేత్తగా (గోపీకృష్ణ గ్రానైట్స్ లిమిటెడ్) బహుముఖాలు గల చిరంజీవి బిజెపి ద్వారా మొదట రాజకీయాల్లోకి వచ్చి ప్రజలకు మరో ముఖం చూపించారు. ఆనాటి వాజ్ పేయి మంత్రి వర్గంలో రక్షణ శాఖ సహాయ మంత్రిగా పనిచేశారు. చిరంజీవి కుటుంబానికి ఆప్తుడైన ఆయన ప్రజారాజ్యం పార్టీలో ఎన్నికల ముంది చేరి రాజమండ్రి నుంచి ఎంపీగా పోటీ చేసి ఓడిపోయారు. నేడు ముఖ్యమంత్రి రోశయ్యను కలిసిన ఆయన ముఖ్యమంత్రి వరద సహాయ నిధికి 10 లక్షల రూపాయల విరాళం ఇచ్చారు.