నేదురమల్లితో జెసి, గాదె భేటీ

హైదరాబాద్: మాజీ ముఖ్యమంత్రి, కాంగ్రెసు సీనియర్ నాయకుడు నేదురమల్లి జనార్దన్ రెడ్డితో కాంగ్రెసు సీనియర్ శాసనసభ్యులు జెసి దివాకర్ రెడ్డి, ఆదాల ప్రభాకర రెడ్డి, మంత్రి గాదె వెంకట రెడ్డి శనివారం సమావేశమయ్యారు. వారు నేదురుమల్లి నివాసానికి వెళ్లి ఆయనతో మాట్లాడారు. వైయస్ జగన్ ముఖ్యమంత్రి కావాలనే డిమాండ్ కు వ్యతిరేకంగా వీరు పావులు కదుపుతున్నారనే ప్రచారం జరుగుతోంది. ఈ నేపథ్యంలో వారు నేదురమల్లితో భేటీ కావడం ప్రాధాన్యాన్ని సంతరించుకుంది.

అంతకు ముందు జెసి దివాకర్ రెడ్డి, ఆదాల ప్రభాకర్ రెడ్డి ముఖ్యమంత్రి కె. రోశయ్యను కలుసుకున్నారు. తాము దీపావళి శుభాకాంక్షలు తెలపడానికి మాత్రమే రోశయ్యను కలుసుకున్నామని జెసి దివాకర్ రెడ్డి మీడియా ప్రతినిధులతో చెప్పారు. మంత్రివిస్తరణ ఇప్పుడు అవసరం లేదని, ప్రస్తుత మంత్రివర్గం బాగా పనిచేస్తోందని కూడా ఆయన అన్నారు.