కార్మికుల సమ్మెతో భగ్గుమన్న గురుగావ్

గురుగావ్: ఆటో మొబైల్ కర్మాగారంలో కార్మికుడి మృతికి నిరసనగా గురుగావ్ లోని కార్మికులు దాదాపు 80 వేల మంది కార్మికులు మంగళవారం సమ్మెకు దిగారు. గురుగావ్ లోని 60కి పైగా కర్మాగారాలు కార్మికులు ఈ సమ్మెలో పాల్గొన్నారు. గురుగావ్-మానేసర్ పారిశ్రామిక వాడలోని కర్మగారాల్లో పనులు స్తంభించాయి. అఖిల భారత ట్రేడ్ యూనియన్ కాంగ్రెసు ఈ సమ్మెకు మద్దతు ప్రకటించింది.

కర్మాగారాల వెలుపల కార్మికులు ధర్నా చేశారు. ఒక సందర్భంలో పోలీసులు లాఠీచార్జీ చేశారు. పరిస్థితి ఉద్రిక్తంగా ఉంది. రీకో ఆటో విడిభాగాల ఉత్పత్తి యూనిట్ లో గత నెల రోజులుగా కార్మిక అశాంతి చోటు చేసుకుంది. సమ్మె చేస్తున్న కార్మికులకు, విధులకు హాజరు కావాలనుకున్న కార్మికులకు మధ్య ఘర్షణ చెలరేగింది. పరిస్థితి అదుపు తప్పింది. దీంట్లో ఒక కార్మికుడు మృతి చెందాడు. దీంతో మంగళవారం కర్మాగారాల కార్మికులంతా సమ్మెకు దిగారు.